Könnuð hafa verið 900 heimili í Grindavík og eru tvö staðfest tjón sökum frostskemmda. Forsvarsmenn Grindavíkurbæjar birtu stöðu mála er varðar rafmagn og vatnslagnir á heimasíðunni Grindavík.is.
Rafveita virðist virk í allri byggðinni. Hitaveitan er virk á flestum svæðum fyrir utan austast byggðin, Þókötlustaðahverfi, og á hafnarsvæðinu.
Hópur pípulagningamanna fór yfir 350 íbúðir í gær. Þar með hafa 900 íbúðir verið yfirfarnar af 1200. Stefnt er að farið verði yfir þær 300 sem upp á vantar í dag, en talið er að þær séu í góðu standi þar sem flestar eru nýlegar.
Tvö staðfest tjón eru vegna frostskemmda. Ekki er útilokað að uppkomi fleiri þar sem töluvert frost er á svæðinu. Einhver húsanna eru kynt með rafmagnsofnum þar sem treglega hefur gengið að koma hita á og óljóst hvort lagnir haldi. Settir voru upp rafnmagsofnar í fyrirtæki á hafnarsvæðinu í gær og í dag. Einhverja lykla vantar enn að síðustu húsunum.
Margir hafa lagt mikið á sig til að koma í veg fyrir frekara tjón á fasteignum og innviðum.
Verið er að vinna í að kortleggja hvaða hús búið er að fara í, og hvaða hús búið er að koma á hita. Vinnslan er á lokametrunum og verður aðgengileg um leið og unnt er.