Starfmaðurinn sem handtekinn var í Laugarnesskóla var vel liðinn fram að atvikinu

Greint var frá því síðdegis í gær að starfsmaður Laugarnesskóla hafi verið handtekinn.  Lögregla mætti í skólann þar sem starfsmaðurinn var handtekinn í kjölfar alvarlegs atviks þar sem hann og nokkrir nemendur áttu í hlut. Foreldrum barna í skólanum var greint frá handtökunni en Björn Gunnlaugsson, skólastjóri Laugarnesskóla, sendi foreldrum nýjan tölvupóst nú síðdegis í dag.

Í póstinum sagðist hann gera sér fyllilega grein fyrir áhyggjum foreldra og þeirra barna sem að málinu koma. „Að svo stöddu hef­ur skól­inn því miður ekki heim­ild til að upp­lýsa nán­ar um máls­at­vik. Tekið skal fram að um­rædd­ur starfsmaður er í leyfi meðan málið er rann­sakað,’’ skrifaði  Björn. Þá herma heimildir Mannlífs að starfsmaðurinn hafi verið vel liðinn fram að umræddu atviki, bæði meðal nemenda og annars starfsfólks.