- Auglýsing -
„Við starfsfólkið á Hrafnistu Boðaþingi höfum fengið aaalveg nóg af matarsóun og erum byrjuð í nýju verkefni,“ svo hljóðar upphafið af færslu sem Ágústa Klara Ágústsdóttir birti á Facebook fyrir hönd starfsfólksins Á Hrafnistu Boðaþingi í Kópavogi.
„Í morgun var frískápurinn fylltur af allskonar sniðugu. Súpum, kjötbollum, beikonbúðingi, grautum, skonsum, kökum, meðlæti og fleiru. Þetta er allt eldað í gær,“ skrifar Ágústa Klara með færslunni.
Hún birtir myndir með sem sýnir kræsingarnar en öllu er pakkað í snyrtilega matarpakka.
“Endilega nýtið ykkur þetta, annars hefði þetta endað í ruslinu hjá okkur í kvöld,“ og kvittar undir fyrir hönd starfsfólksins í Boðaþingi
Ágústa bendir á að frískápurinn sem var fylltur í morgun hafi verið frískápur sé staðsettur í Efra-Breiðholti á bak við verslunina Mini Market.
Frískápar eru partur af deilihagkerfinu og eru ísskápar staðsettir víðsvegar um borgina og gefst fólki færi á að gefa og sækja sér mat sem annars færi til spillis.
Mynd/skjáskot FB
Færslan hefur fengið gríðalega jákvæð viðbrögð innan hópsins Íbúasamtökin Betra Breiðholt, þar sem framtak starfsfólksins sem og verkefnið verið lofað hásterkt.