Samkvæmt dagbók lögreglunnar á höfuðborgarsvæðinu barst tilkynning vegna hnífsstungu í miðbæ Reykjavíkur í nótt. Ekki er vitað um áverka hins særða en var hann fluttur á sjúkrahús til aðhlynningar. Lögreglan handtók einn vegna málsins, skömmu frá árásarstað, grunaður um að hafa beitt hnífunum.
Þá þurfti lögreglan að hafa afskipti af samkvæmi táninga í Árbæ. Var einn táningurinn handtekinn af lögreglu eftir að hafa framið skemmdarverk á bifreið lögreglunnar. Þá segir að málið verði unnið með barnaverndaryfirvöldum og forráðamönnum táningsins.
Tilkynning um líkamsárás, skemmdarverk og þvera sem neituðu að yfirgefa verslanir og skemmtistaði voru meðal verkefna næturinnar.
Þá slasaðist einn í Garðabæ í andlitinu eftir flugeldaslys. Ekki er vitað um líðan einstaklingsins.