Á morgun mætir íslenska karlalandsliðið í knattspyrnu liði Ísraels í leik í umspili fyrir EM í knattspyrnu sem fer fram í sumar. Leikurinn hefur verið harðlega gagnrýndur fyrir ýmsar sakir en helst að KSÍ skuli neita að spila við Rússland vegna innrásar þess í Úkraínu en hafa ekki sagt orð um þá rúmlega 30 þúsund Palestínubúa sem Ísrael hefur drepið á undanförnum mánuðum.
Sverrir Ingi Ingason, leikmaður Íslands, var spurður af RÚV hvort að mæta Ísrael trufli liðið eitthvað.
„Nei. Við reynum að einbeita okkur að okkur sjálfum, við höfum stjórn á voðalega litlu þegar kemur að þessu. Hver sem andstæðingurinn er þá erum við bara að reyna að koma íslenska landsliðinu á stórmót. Við erum í frábæru tækifæri til þess. Við erum að reyna að sjá þetta sem fótboltaleik. Það er það sem skiptir mestu máli. Hver sem andstæðingurinn væri þá værum við að fara í þennan leik til þess að vinna – af því að við erum að reyna að fara á stórmót og erum að einbeita okkur að því.“
Þá tilkynnti KSÍ að Albert Guðmundsson yrði ekki tekinn úr landsliðshópinn þrátt fyrir að reglur sambandsins banni leikmönnum að spila meðan kærur á hendur landsliðsmönnum eru rannsakaðar.