- Auglýsing -
Í nýrri tilkynningu á vef Ríkisskattstjóra (RSK) er fólk varað við svikatölvupósti sem merktur er embættinu.
Í tilkynningunni kemur fram að í tölvupóstinum, sem er látinn líta út fyrir að vera frá RSK, er fólki greint frá því að það eigi von á endurgreiðslu frá skattinum. „Enn á ný hafa einhverjum landsmönnum borist falskir tölvupóstar sem sagðir eru koma frá ríkisskattstjóra, þar sem tilkynnt er um meinta endurgreiðslu skatta,“ segir á vef RSK.
Í tilkynningunni er því komið á framfæri að umrædd bréf eru ekki á vegum embættisins og er fólk hvatt til að opna ekki viðhengi eða hlekki sem gætu fylgt póstinum. „Því er beint til fólks að opna ekki viðhengi eða hlekki í tölvupóstinum sem kunna að innihalda óværu.“