Tæplega 200 gestir Fabrikkunnar smituðust af nóruveiru

Í nýrri ársskýrslu sóttvarnarlæknis kemur fram að 190 manns hafi smitast af nóróveiru sem kom upp á Hamborgarafabrikkunni í fyrra en málið vatt fljótt upp á sig eftir Mannlíf greindi frá málinu.

Í skýrslunni er sagt að gestir veitingastaðarins hafi smitast bæði í Kringlunni og Höfðatorgi en ekki var uppruni smitsins rakinn til ákveðinna matvæla. Þá sagðist staðurinn ætla að endurgreiða öllum þeim sem smituðust af veirunni. Ljóst er að smitið var mikið áfall fyrir eigendur Fabrikkunnar en stuttu eftir staðirnir opnuðu aftur var tómlegt á þeim báðum samkvæmt heimildum Mannlífs og var staðnum í Kringlunni lokað um áramótin.

En í samtali við Mannlíf lét einmitt einn viðskiptavinur Fabrikkunnar eftirfarandi orð falla: „Ég vona að þessum stað verði lokað,“ en margir gesta sem smituðust töldu að staðurinn hafi brugðist alltof seint við ábendingum um málið.