„Takk Bjarni..“ – 11 ástæður fyrir þjóðina að standa í þakkarskuld við Bjarna

Stöðufærsla Ómars Sigurðssonar fer eins og eldur í sinu um samfélagsmiðla nú. Þar telur hann upp ellefu ástæður fyrir því að landsmenn geta verið þakklátir fyrir að Bjarni Benediktsson, formaður Sjálfstæðisflokksins og fjármálaráðherra, stýrir núverandi ríkisstjórn. Þessar ellefu ástæður má lesa hér fyrir neðan en til að taka af allan vafa þá er Ómar að beita kaldhæðni.  

„Takk Bjarni..

1. Tryggingar eru fjórfalt hærri en í nágrannalöndunum.
2. Vextir eru fimmfalt hærri.
3. Matvara er helmingi hærri.
4. Bensínskattur er sá hæsti í Evrópu.
5. Áfengisgjöld eru þau hæstu í heimi.
6. Ellilaun eru þau lægstu í Evrópu.
7. Bætur til öryrkja hvergi lægri.
8. Ísland er eina landið í Evrópu þar sem sjómenn njóta minni réttinda en aðrir í lífeyrissjóðsmálum.. Ísland sker sig úr með að veita ekki sjómannaafslátt.
9. Ráðherrar eru hvergi í heiminum jafn margir miðað við höfðatölu og hér.
10. Hvergi í heiminum hefur báknið blásið jafn mikið út og hér.
11. Ísland er eina landið í Evrópu sem samþykkir mútur.

Takk Bjarni..“