Fjölmiðlamaðurinn Illugi Jökulsson skrifaði Facebook-færslu í gær sem vakið hefur athygli en yfir 200 manns hefur líkað við hana er þetta er skrifað. Umtalsefni færslunnar er rasismi sem orðið hefur meira áberandi á Facebook að undanförnu en Illugi segir að stjórnmálamenn verði að berjast gegn því. Segir hann að hælisleitendur og flóttafólks sé ekki vandamál hér á landi, það sé rasismi hins vegar.
Hér má lesa færsluna í heild sinni:
„Margt óskemmtilegt rasistarant hefur mátt lesa á Facebook og víðar síðasta sólarhring. Og margir mega skammast sín. En mikilvægt er að svara rasískum áróðri með því að allt sanngjarnt stjórnmálafólk kveði skilyrðislaust upp úr um eitt: Útlendingar, þar með taldir hælisleitendur og flóttamenn, eru EKKI vandamál á Íslandi. Bara alls ekki. Það þarf að leysa ýmis mál eins og gengur, en stórfellt vandamál eru útlendingar EKKI. Gefið rasistunum ekki undir fótinn með því að fallast á að ræða um útlendingamál og hælisleitendur sem vandamál.