Aðstoðaryfirlögreglustjóri telur að aðgerðir lögreglu hafi endað vel.
Anahita Babaei og Elissa Biou sem höfðu hlekkjað sig við hvalveiðiskip í gærmorgun eru nú komnar niður. Þær hafa verið kærðar fyrir húsbrot og voru færðar til skýrslutöku eftir að þær komu niður. Kristján Helgi Þráinsson aðstoðaryfirlögreglustjóri sagði í samtali við mbl.is að aðgerðir lögreglu hafi heppast vel og konunum heilsaðist vel.
„Þær voru bara ánægðar að koma niður. Vitaskuld voru þær pínúlítið ringlaðar eftir að hafa verið í þetta langan tíma í möstrunum en þær voru sáttar eftir að hafa fallist á boð okkar um að koma niður. Við buðum þeim vatn og gos um leið og þær komu niður en reyndar hafði önnur þeirra fengið Coca Cola þegar hún var uppi. Það má því segja að þetta endað eins vel og gat gert. Það er alltaf hætta á slysum við þessar aðstæður en sem betur sluppu allir heilir,“ sagði Kristján um málið.
Eitthvað var um stympingar við örfá mótmælendur en Kristján sagði að það hafi ekki verið alvarlegt.
„Það var enginn aðsúgur gerður að okkur og það var bara klappað fyrir þeim þegar þær skiluðu sér til baka.“
„Þær reyndust í ágætu standi. Í framhaldinu er svo skýrslutaka af þeim og þær verða svo látnar lausar. Þannig verður ferlið nema eitthvað óvænt komi upp á,“ sagði Kristján að lokum.