Þessi maður gæti verið í nærumhverfi þínu – Lögreglan óskar eftir aðstoð

Lögreglan á Vesturlandi óskar eftir aðstoð almennings við leitina að Modestas Antanavicius, en hann hefur ekki sést síðan á laugardaginn. Lögreglan biður íbúa í Borgarnesi og nærsveit að skoða í kringum heimili sitt.

Tilkynning lögreglu hljóðar svo: „Vegna leitarinnar að Modestas Ant­ana­vicius, 46 ára karl­manni, sem saknað hefur verið síðan á laugardag, biðjum við íbúa í Borgarnesi og nágrenni að skoða sitt nærumhverfi, garða og geymslur. Einnig upptökur frá laugardeginum ef fólk er með myndavélakerfi við húsin. Vinsamlegast hafið samband við lögregluna í síma 4440300 eða í síma 112 ef fólk telur sig hafa upplýsingar.“