- Auglýsing -
Björn Birgisson kallar eftir því að skipt verði um ríkisstjórn svo lausn fáist í kjaradeiluna.
Samfélagsrýnirinn frá Grindavík, Björn Birgisson er mikill stuðningsmaður Sólveigar Önnu Jónsdóttur og verkalýðsbaráttu hennar. Í nýrri færslu á Facebook fer hann yfir lausnina á vandanum sem blasir við í kjarasamningsviðræðunum en hann segir ríkisstjórn með Sjálfstæðisflokknum innanborðs, aldrei fara þá leið sem hann stingur upp á. Færsluna má lesa hér fyrir neðan:
„Við getum leitað með logandi ljósi um allt þjóðfélagið að einhverri lausn á yfirstandandi kjaradeilu.
Sú leit skilar árangri, en samt ekki.
Við finnum ríkisstjórnina, en hún vill ekkert gera til lausnar.
Lausnin felst í lögum um hámarksleigu, leigubremsu, leiguþak og aðrar ráðstafanir gegn leiguokri.
Þau lög verða aldrei sett á meðan Sjálfstæðisflokkurinn er í ríkisstjórn.
Hann mun alltaf taka sér stöðu með leigusölum, en gegn leigjendum komi til ágreinings eins og nú er uppi.
Málin eru í hnút, lausnin blasir við, en hún passar ekki inn í pólitík ríkisstjórnarinnar.
Er þá ekki borðliggjandi að skipta um ríkisstjórn?“