- Auglýsing -
Reykjavíkurborg sendi hátt í 4 þúsund reikninga á hendur barnafjölskyldum í borginni til innheimtufyrirtækis. Reikningarnir voru nánar tiltekið 3.627 talsins og snúa allir að vangoldnum leikskólagjöldum, skólamáltíðum eða frístundastarfi barna í Reykjavík.
Reikningarnir voru sendir til innheimtu frá skóla- og frístundasviði borgarinnar og tengdust þeir allir skuldum barnafjölskyldnanna á fyrri hluta þessa árs. Vegna ógreiddra skólamáltíða voru 2.152 reikningar sendir til innheimtufyrirtæksins, 788 vegna ógreiddra leikskólagjalda og 687 vegna frístundastarfs barnanna.
„Af hverju í ósköpunum eru innheimtufyrirtæki send á barnafjölskyldur?,“ spyr Sanna Magdalena Mörtudóttir, oddviti Sósíalistaflokksins, sem vekur athygli á innheimtuaðgerðum borgarinnar gagnvart barnafjölskyldum.
„Þvílík ömurlegheit. Svei Svei,“, „Hryllingur, og „Hvílík óhæfa“ eru meðal ummæla þeirra sem tjá sig undir færslu Sönnu á Facebook.