Mikil ölvun var í miðbæ Reykjavíkur og margir handteknir vegna aksturs undir áhrifum áfengis eða vímuefna.
„Mat mitt er að verkefnum sé að fjölga um helgar og er þessi upptalning ekki tæmandi,“ segir Stefán Árni Jónsson, vaktstjóri.
9 ökumenn voru stöðvaðir í akstri, grunaðir um akstur undir áhrifum áfengis eða vímuefna. Allir lausir eftir sýnatöku.
4 tilkynningar um hugsanlegar byrlanir. Blóðsýni tekið úr öllum þolendum til að staðfesta byrlun og öll málin í rannsókn.
Klukkan hálf fjögur var tilkynnt um ofurölvi mann sem hafði verið vísað út af skemmtistað vegna óláta. Þegar lögregla kom á staðinn neitaði hann að segja til nafns og gistir fangageymslur þangað til hægt er að ræða við hann.
Um fjögur leytið fundust hnífar í bíl hjá aðila eftir leit vegna gruns um fíkniefnalagabrot. Viðkomandi á von á kæru vegna þessara vopnalagabrota.