Bók um íslensk mannshvörf kemur út í nóvember.
Í byrjun nóvember kemur út bókin Saknað – íslensk mannshvörf eftir Bjarka Hólmgeir Halldórsson. Í bókinni er fjallað um mannshvörf á Íslandi og Íslendinga sem hafa horfið erlendis.
Áhugi Bjarka á mannshvörfum kviknaði þegar hann var aðeins 10 ára. Áhuginn hefur aukist með árunum og undanfarið hefur hann varið öllum frítíma sínum í rannsóknir, upplýsingaöflun og bókaskrif um íslensk mannshvörf, þ.e. fólk sem hefur horfið á Íslandi og íslendinga sem hafa horfið erlendis.
Bjarki byrjaði að vinna í bókinni árið 2017, þegar hann lenti í slysi og var óvinnufær um tíma. Þá stofnaði hann Facebook-síðuna Íslensk mannshvörf og vefsíðuna www.mannshvorf.is. „Í kjölfar fjölda áskoranna um að ráðast í gerð bókar var fátt annað að gera en taka slaginn,“ segir Bjarki í tilkynningu um bókaútgáfuna.
Það er bókaútgáfan Óðinsauga sem gefur bókina út.