Skápalyklar hafa ítrekað verið að hverfa úr Breiðholtslauginni. Á síðustu misserum hafa 64 lyklar úr skápum Breiðholtslaugar, 45 karlamegin og 19 kvennamegin horfið á skömmum tíma. Tjónið er mikið fyrir laugina, en greiða þarf fyrir þetta úr rekstrarfélagi laugarinnar.
Nú er verið er að leggja lokahönd á það að setja 64 lykla aftur í skápana, en starfsmenn eru að vonum svekktir hversu mikið af lyklum hafa horfið á skömmum tíma. Tjónið er metið á hálfa milljón króna.
Umræður hafa skapast um málið inn á facebook hópnum: Íbúasamtökin Betra Breiðholt. Fólk er að velta fyrir sér; ,,hvers vegna sé verið er að stela lyklum úr lauginni?“
Matthías Ásgeirsson meðlimur facebook hópsins telur að fólk sé að þessu til að eigna sér vissa skápa svo það geti gengið beint að skápunum þegar það kemur í sund. Ef rétt er, þá er það agaleg frekja, segir Jón Kjartan Ingólfsson. Af þessum fréttum að dæma eru karlarnir mun kræfari, segir Bjarney Kolbrún Garðarsdóttir.
Við vinnslu fréttarinnar voru gerðar ítrekaðar tilraunir til að ná á forstöðumann Breiðholtsslaugar, Hafliða Guðjónsson, en hann lét ekki ná í sig.