Umdeildur bæjarstjóri ósáttur með þyrluflug: „Þetta er gríðarleg hljóðmeng­un“

Ásdís Kristjánsdóttir, umdeildur bæjarstjóri Kópavogsbæjar, er ósátt með mikið þyrluflug yfir bænum.

Eins og margir höfuðborgarsvæðinu vita hefur þyrluflug aukist talsvert undanfarnar vikur. Er þar helst að þakka eldgosinu á Reykjanesi. Ekki eru allir sáttir með þessa auknu þyrluumferð og hafa íbúar höfuðborgarsvæðisins margir kvartað undan hávaða. Ásdís Kristjánsdóttir, bæjarstjóri Kópavogs, tekur undir þessar kvartanir.

„Við höf­um sann­ar­lega fengið kvart­an­ir frá Kópa­vogs­bú­um og höf­um veru­leg­ar áhyggj­ur af þessu,“ sagði Ásdís Kristjáns­dótt­ir bæj­ar­stjóri Kópa­vogs, í samtali við Morgunblaðið en Ásdís hefur verið mikið milli tannanna á fólki undanfarna daga vegna leikskólamála í bæjarfélaginu.

„Við telj­um að hljóðmæl­ing­ar muni leiða í ljós að hljóðmeng­un fari yfir leyfi­leg mörk,“ sagði hún um næstu skref í málinu. 

„Þetta er gríðarleg hljóðmeng­un. Það skipt­ir öllu máli að finna staðsetn­ingu sem hent­ar bæði Kópa­vogi og nær­liggj­andi sveit­ar­fé­lög­um svo að hljóðmeng­un sé sem minnst og helst eng­in,“ en Ásdís telur Hólmsheiði og Sandskeiðsflugvöll ekki heppilega valkosti en þeir staðir hafa verið nefndir í umræðunni um nýja staðsetningu fyrir þyrluflug.