Hópslysaáætlun hefur verið virkjuð í umdæmi lögreglunnar á Suðurlandi, en smárúta lenti í umferðarslysi á Skeiðarársandi að sögn lögreglunnar.
Hópslysaáætlun var virkjuð og allir viðbragðsaðilar kallaðir út, þar á meðal björgunarsveitir á Suðurlandi. Að sögn Davíðs Más Bjarnasonar, upplýsingafulltrúa Slysavarnafélagsins Landsbjargar, eru viðbragðsaðilar úr nærliggjandi þéttbýliskjörnum og sjúkraflutningamenn, lögregla og björgunarsveitir komin á vettvang.
Oddur Árnason, yfirlögregluþjónn á Selfossi, segir í samtali við fréttastofu RÚV að sjö hafi verið um borð í smárútunni er hún valt. Þeir eru allir með meðvitund og verið er að hlúa að þeim á vettvangi. Ekki liggur fyrir hversu alvarleg meiðsl hinna slösuðu eru.
Þyrla Landhelgisgæslunnar sjúkraflugvél frá Akureyri, sem stödd var á Höfn í Hornafirði, hafa verið kallaðar út.