Unnur Eggertsdóttir söng- og leikkona velti fyrir sér hvort kynið hafi eitthvað með afsögn Birnu Einarsdóttur sem bankastjóra Íslandsbanka.
„Haldiði að bankastjórinn hefði sagt af sér ef hún væri kk eða eru konur líklegri til að axla ábyrgð þótt það kosti þær starfið?“ spyr Unnur Eggertsdóttir í nýrri færslu á Twitter. Færslan hefur vakið nokkra eftirtekt en hundrað manns hefur líkað við hana og þó nokkrir svarað. Flestir eru á því að kynið hafi heilmikið að gera með þetta en þó ekki allir. Bætti hún svo við kaldhæðinni athugasemd: „Hashtag not all men kiss kiss“.
Þá bætti hún einnig við í athugasemd um fjármálaráðherrann „Fjármálaráðherra væri farin fyrir nokkrum mánuðum (árum?)“
Nanna nokkur kom með sitt innlegg í umræðuna: „Held þetta snúist líka smá um að það er auðveldara að „láta hana fara“ – aðrir stjórnendur ýta harðar á konur að axla ábyrgð, „taka á sig skellinn“, en þeir myndu gera við karlmenn.“
Twitter-notandi sem heitir Sigrún var ekki á sama máli: „Þvi miður nei… rofið er algert virðist vera og það hefur ekkert með kyn að gera“