Yfirgnæfandi meirihluti félagsfólks Félags leikskólakennara sem starfar annars vegar hjá Hafnarfjarðarkaupstað og hins vegar hjá Fjarðabyggð, hefur samþykkt boðun verkfalls í marsmánuði, hafi samingar ekki náðst samkvæmt Kennarasambandi Íslands.
Upphafsdagur verkfalls í Hafnarfirði verður 17. mars og 24. mars í Fjarðabyggð. Verkfallið verður ótímabundin.
„Atkvæðagreiðsla í báðum sveitarfélögum hófst í fyrradag, 17. febrúar, og lauk á hádegi í dag. Þátttaka var í báðum tilfellum góð, eða yfir 80 prósent. 100% sögðu já í öðru sveitarfélaginu og 98% í hinu.
Ótímabundið verkfall skellur á í leikskólum Kópavogsbæjar 3. mars næstkomandi, hafi samningar ekki náðst.
Þá er vert að geta þess að félagsfólk FL, sem starfar í Leikskóla Snæfellsbæjar, hefur verið í verkfalli síðan 1. febrúar síðastliðinn,“ segir í tilkynningu frá KÍ