Læknafélag Íslands hefur ákveðið að kosið verði aftur um verkfall félagsmanna en stjórnvöld töldu að ólögleg hafi verið boðað til fyrri atkvæðagreiðslu þar sem verkfall var samþykkt með miklum meirihluta. Þetta kemur fram í tölvupósti félagsins til félagsmanna.
LÍ segir að afstaða stjórnvalda komið mikið á óvart enda hafi verið boðað eins til seinasta verkfalls en það var fyrir tíu árum síðan. Ekki hafi verið gerðar athugasemdir þá. Athugasemdirnar voru tvær sem ríkið gerði. Annars vegar að kosið hafi verið um boðun á verkfalli með röngum máta og þá taki verkfallsboðunin ekki til allra lækna hjá þeim vinnuveitendum sem verkfallið beinist gegn.
LÍ ákvað frekar að boða til nýs verkfalls en að láta reyna á málið fyrir Félagsdómi. Vonast Læknafélagið að ný atkvæðagreiðsla hefjist 4. nóvember en það er á morgun. Líklegt verður að teljast að læknar samþykki aftur að fara í verkfall en nær allir læknar sem kusu seinast um málið voru á því að fara í verkfall.