Víðir Reynisson, sviðsstjóri Almannavarna mun taka oddvitasæti fyrir Samfylkinguna í Suðurkjördæmi, samkvæmt Vísi.
Heimildir Vísis hermir að í dag hafi uppstillingarnefnd Samfylkingarinnar í Suðurkjördæmi fundað og lagt fram þá hugmynd að Víðir Reynisson verði oddviti flokksins í kjördæminu fyrir kosningarnar í nóvember. Vísir segir Víði hafa nú þegar tilkynnt yfirmönnum sínum um áform sín.
Fyrr í vikunni gaf núverandi oddviti Samfylkingarinnar í kjördæminu, Oddný G. Harðardóttir, að hún hyggðist ekki bjóða sig fram í komandi alþingiskosningum. Oddný hefur verið þingkona frá árinu 2009 og gengdi meðal annars embætti fjármálaráðherra um tíma.
Víðir verður ekki sá eini úr Covid-þríeykinu sem fer í framboð því Alma Möller landlæknir ætlar að bjóða sig fram í forystusæti Samfylkingarinnar í Suðvesturkjördæmi. Mun hún þar etja kappi um oddvitasætið við sitjandi þingmanninn Þórunni Sveinbjarnardóttur.