- Auglýsing -
Samningaviðræður Icelandair við kröfuhafa eru vel á veg komnar og stefnir félagið á að klára samninga í næstu viku. Þó svo að flestir samningar hafi verið undirritaðir er viðræðum ekki lokið segir í tilkynningu frá félaginu.
Flugfélagið fullyrðir einnig að viðræður við Boeing-fyrirtækið gangi vel þar sem rætt er um frekari bætur vegna kyrrsetningar MAX-flugvélanna og breytingar á afhendingu vélanna sem enn á eftir að afhenda.
Icelandair hefur lokst tekist að loka samningum við allar flugstéttir félagsins sem var lykilatriði í fjárhagslegri endurskipulagningu félagsins. Í tilkynningu þess segir að nú sé unnið að útfærslu láns með ríkisábyrgð og að stefnt sé á að ljúka fyrirhuguðu hlutafjárútboði í ágústmánuði.