Knattspyrnuliðið Víkingur er Íslandsmeistari 2023 í Bestu deild karla.
Eftir mjög óspennandi deildarkeppni er orðið ljóst að Víkingur er Íslandsmeistari Bestu deildar karla árið 2023 eftir að KR og Valur gerðu 2-2 jafntefli fyrr í dag. Það var í raun löngu orðið ljóst að Víkingur myndi vinna deildina, spurningin var einungis hversu snemma á tímabilinu það yrði stærðfræðilega ómögulegt fyrir önnur lið að ná þeim. Víkingur var án nokkurs vafa langbesta lið deildarinnar og hafa sumir haldið því fram að þetta lið sé besta lið sem spilað hefur í efstu deild karla á Íslandi.
Eini skugginn sem fellur á liðið er Arnars-málið svokallaða sem Mannlíf hefur fjallað um á tímabilinu en málið hefur þótt gífurlega vandræðalegt fyrir þetta annars stórkostlega lið.