Illugi Jökuls vill loka sendiráði Rússlands.
Fjölmiðlamaðurinn Illugi Jökulsson skrifaði færslu á Facebook í morgun þar sem hann spyr af hverju sendiráð Rússlands sé hér enn.
„Rússar gátu ekki sigrað úkraínska herinn. Þeir hafa því snúið sér að því að eyðileggja líf úkraínskrar alþýðu og helst drepa hana. Djöfulsins skömm að þessu. Af hverju erum við með sendiráð Rússlands hér í borginni?“
Færslan hefur á tveimur klukkutímum fengið á annað hundrað „like“ en flestir þeir sem skrifa athugasemd við orð Illuga eru sammála honum. Þar með talinn Ómar nokkur:
„Jú, Ísland ætti auðvitað að taka af skarið, gera eitthvað afgerandi. Utanríkisráðherra talar stundum eins og Ísland sé í fararbroddi varðandi aðstoð við Ukrainubúa en í raun eru Ísland ekki að gera neitt annað en það sem ESB gerir, fylgja því. Sennilega samt er Ísland heldur framar en Færeyjar sem gerðu bóstaflega fiskveiðisamning við Rússa á dögunum. Voru held ég allir næstum sammála þar nema þá helst Sjúrður Skaale sem taldi þetta óráð.“