Vinstri græn vilja kosningar í vor

Vinstri Græn hyggjast slíta ríkisstjórnarsamstarfinu og vilja ganga til kosninga í vor en ályktun þess efnis var samþykkt á landsfundi þeirra nú fyrir skömmu.

Tillögunni var breytt í samráði við flutningsfólk hennar áður en hún var samþykkt en nákvæmt orðalag á breytingum liggur ekki fyrir að svo stöddu. Á landsfundinum var Svandís Svavarsdóttir kjörin formaður flokksins og Guðmundur Ingi Guðmundsson varaformaður en fundurinn fer fram í Víkingsheimilinu í Safamýri þar sem íþróttafélagið Fram var eitt sinn til húsa.

Nýir meðstjórn­end­ur í stjórn Vinstri grænna eru Ald­ey Unn­ar Trausta­dótt­ir, Anna Þor­steins­dótt­ir, Elín Björk Jón­as­dótt­ir, Fjöln­ir Sæ­munds­son, Jósúa Gabrí­el Davíðsson, Maa­rit Kaipain­en og Pét­ur Heim­is­son.

Ekki voru allir vissir fyrir fundinn að tillagan yrði samþykkt en svo kom á daginn.