- Auglýsing -
Dómur fyrir vopnalagabrot sem Sindri Snær Birgisson og Ísidór Nathansson fengu í héraðsdómi var í dag mildaður í Landsrétti.
Sindri og Ísidór höfðu verið dæmdir í Héraðsdómi Reykjavíkur í mars á síðasta ári í fangelsi fyrir brot á vopnalögum og var Sindri dæmdur í 2 ára fangelsi og Ísidór í 18 mánaða fangelsi. Báðir dómar þeirra sem snéru að því broti voru mildaðir og eru dómarnir nú 18 mánuðir og 15 mánuðir.
Þeir voru einnig sýknaðir af ákæru fyrir hryðjuverk en héraðsdómur vísaði þeirri ákæru frá þegar fyrst var réttað yfir þeim.
Forsendur dómsins liggja ekki fyrir en hann hefur ekki ennþá verið birtur.