Vörubifreið fauk á hliðina við Ingólfsfjall – Suðurlandsvegur lokaður til austurs

Lögreglan á Suðurlandi sendi frá sér tilkynningu á Facebook rétt í þessu en þar segir að vörubifreið hafi fokið á hliðina og að unnið sé að því að fjarlægja bifreiðina. Því sé Suðurlandsvegur við Ingólfsfjall lokaður til austurs á meðan á aðgerðum stendur. Hjáleið er um Ölfusveg frá Kirkjuferjuvegi inn að Selfossi. Búast má við að vegurinn verði lokaður fram undir hádegi.