Útleiga á bankahólfum hjá Íslandsbanka mun á næstu vikum heyra sögunni til. „Við erum bara að hætta með þessa þjónustu,“ sagði ráðgjafi hjá Íslandsbanka þegar hann var spurður um ástæðu þess að bankinn ætlaði að hætta með útleigu á bankahólfum.
Í gegnum árin hafa margir kosið að geyma ýmis skjöl, reiðufé, skartgripi og önnur verðmæti í bankahólfum. Eftispurn eftir bankahólfum jókst til muna haustið 2008 eftir að bankakerfið hrundi. Þá voru öll bankahólf bankans notkun. En nú hefur dregið verulega úr eftirspurn eftir þessari þjónustu.
Blaðamaður Mannlífs hafði sambandi við Arion banka og Landsbanka Íslands og kannaði með þessa þjónustu hjá þeim. Þeir bjóða upp á útleigu á bankahólfum í útibúum sínum í Borgartúni og hafa engin áform um að loka fyrir þessa þjónustu.