Leikkonan Jessica Biel og söngvarinn og leikarinn Justin Timberlake eignuðust son í síðustu viku, að því er Daily Mail fullyrðir. Meðgöngunni höfðu þau haldið algjörlega leyndri, en Jessica hefur ekki birt mynd þar sem líkami hennar sést á Instagram-reikningi sínum síðan í mars þegar hún birti mynd af sér á náttfötunum á afmælisdegi sínum. Fyrir eiga hjónakornin soninn Silas Randall, sem er fimm ára gamall.
Samband Jessicu og Justins er eitt af þeim endingarbestu í Hollywood, þau byrjuðu að vera saman árið 2007 og giftu sig árið 2012. Fyrir ári bað Justin eiginkonu sína opinberlega afsökunar eftir að myndir birtust af honum úti á lífinu í New Orleans í nánum samskiptum við leikkonuna Alisha Wainwright. Ef marka má fæðingu sonarins hafa hjónakornin náð fullum sáttum.