Alþingismaðurinn Jóhann Páll Jóhannson er fæddur 31. maí, 1991; fagnar því 32 ára afmæli sínu í dag.
Jóhann Páll eyddi bernskuárum sínum í Laugaráshverfinu; var draumur hans að verða tónlistarmaður, þar sem að foreldrar hans eru tónlistarmenn.
Faðir hans er Jóhann G. Jóhannson tónskáld og móðir hans er Bryndís Pálsdóttir fiðluleikari.
Jóhann Páll starfaði hjá Stundinni frá 2015-2019 en þar hlaut hann fjölda viðurkenninga fyrir umfjallanir sínar. Jóhann Páll er nú þingismaður Samfylkingarinnar og hefur verið það frá árinu 2021.
Mannlíf ræddi við Jóhann Pál í tengslum við afmælisdaginn.
Fyrst var hann spurður hvernig hann ætlaði að fagna deginum:
„Ég er ekki búinn að ákveða. Ég er með afmæliskvíða, mér finnst mjög erfitt að eiga afmæli. Ætli ég hafi það ekki bara rólegt með fjölskyldunni,“ svarar Jóhann, en við vonum þó að það verði kaka!
Næst var Jóhann spurður hvað væri framundan hjá honum:
„Nú ætlum við að hamast næstu tvær vikur á þingi og gera allt sem við getum til að ná til heimila sem eru í verstu stöðunni vegna harkalegra vaxtahækkana. Við erum að kalla eftir að vaxtabótakerfið verði styrkt og hér verði lögfest leigubremsa.“
Mannlíf óskar Jóhanni Páli innilega til hamingju með daginn.