Bóndinn á Herjólfsstöðum í Álftaveri – og oddviti Skaftárhrepps – Jóhannes Gissurarson, segir að nýhafið jökulhlaup í Mýrdalsjökli vera langt umfram það sem hann hafi nokkurn tíma séð áður; segir að vatn sé úti um allt í sem og við farveg árinnar Skálmar og í landinu austan við hana á um þrjátíu kílómetra kafla að Mýrdalsjökli, en þetta kom fram á RÚV.
Búið er að loka hringveginum frá Vík í Mýrdal að Kirkjubæjarklaustri vegna hlaupsins. Kom fram að vatn hóf að flæða yfir Skálmarbrú upp úr hádegi; nú er vegurinn farinn í sundur að hluta.
Almannavarnir ríkislögreglustjóra hafa nú lýst yfir óvissustigi vegna ástandins – í samráði við lögreglustjórann á Suðurlandi.
Jóhannes bóndi segir að þótt jökulhlaup séu nokkuð algeng úr Mýrdalsjökli á sumrin sé þetta hlaup með því stærsta er hann hefur séð:
„Ég hef aldrei nokkurn tíma séð þetta áður. Það vex í öllum jökulvötnum á sumrin og það hefur verið svo sem í gegnum árin alltaf að koma einhvers staðar austur af jöklinum jökulhlaup eða smáskot af jarðhitavatni en þetta er nú svo langt umfram það sem hefur verið á undanförnum árum, það er engu saman að jafna.“