Stórleikarinn Jóhannes Haukur Jóhannesson hefur staðið í framkvæmdum á heimili sínu undanfarið. Óhætt er að segja að hann hafi dottið niður á töfralausn þegar hann hugðist spara sér tíma sem annars hefði farið í að sparsla heil ósköp í lok framkvæmdanna. Töfralausnin er fólgin í dúkum sem gjörbreyta og bæta allt hljóð á heimilinu. Frásögn Jóhannesar ætti að vekja athygli þeirra sem vilja bæta hljóðgæði á heimili og eins þeirra þar sem hljóðbært er á milli íbúða. Segir leikarinn að líf hans hafi gjörbreyst við þetta.
![](https://www.mannlif.is/wp-content/uploads/2021/01/joi2.jpg)
„Mikið ofboðslega er góð hljóðvist mikils virði,“ segir Jóhannes Haukur. Frásögn Jóhannesar hefur vakið mikla athygli og allar lýkur á að leikkonan og rithöfundurinn Þóra Karítas, uppistandarinn Ari Eldjárn rói á svipuð mið.
Dúkana er hægt að strekkja yfir loftið. „Svo kom í ljós að þetta er ekki bara áferðarfallegt og auðvelt í uppsetningu heldur: BJARGAÐI ÞETTA LÍFI MÍNU!!!!“
![](https://www.mannlif.is/wp-content/uploads/2021/01/joi5.jpg)
Jóhannes Haukur segir: „Það getur verið eins og að standa við fuglabjarg þegar mikið er í gangi á fimm manna heimili, svo ekki sé minnst á barnaafmælin, en þegar það er ull og hljóðvistardúkur í loftinu þá minnkar allt bergmál og endurkast svo mikið að það hálfa væri sennilega nóg.“
Fyrir áhugasama, þá voru dúkarnir keyptir í Enso í Skeifunni. Þá lét Jóhannes smella ramma á vegg sem klæddur var með ull. Þá lét hann strekkja hljóðdúk yfir en á dúkinn hafði verið prentuð smekkleg mynd af heimskorti sem kemur frábærlega út. Upplýsir Jóhannes að það hafi tekið um klukkutíma að setja upp lista og dúkinn yfir, en dúkur eins og þessi er seldur í metratali.
![](https://www.mannlif.is/wp-content/uploads/2021/01/joi1.jpg)
Leikarinn birti myndir á meðan framkvæmdunum stóð og svo eftir að þeim var lokið. Þóra Karítas segir:
„Mögulega status sem gæti bjargað lífi mínu!“ og Jóhannes Haukur svarar: „Þetta róar sálina. Tárast stundum yfir innri ró heima hjá mér í þögninni.“ Ari Eldjárn tekur þátt í umræðunum og segir lengi hafa velt fyrir sér að fara þessa leið. Nú sé komið að því.
![](https://www.mannlif.is/wp-content/uploads/2021/01/joi3.jpg)
Þá lýsir Þóra yfir að kyrrð sé það eina sem hún þrái. Jóhannes svarar:
„Sumir halda að hún komi innan frá. Það er kjaftæði. Hún kemur með góðri hljóðvist.“
![](https://www.mannlif.is/wp-content/uploads/2021/01/joi4.jpg)