Opnunartími verslana Kringlu og Smáralindar mun verða lengri frá og með morgundeginum. Jólaopnunartími Smáralindar verður frá klukkan 11:00 til 22:00 en opnunartími Kringlunnar frá 10:00 til 22:00.
Þá er árleg pakkasöfnun Kringlunnar og Smáralindar hafin og eru allir hvattir til þess að leggja sitt af mörkum og kaupa eina auka gjöf. Innpökkunarborð er staðsett við jólatréð á fyrstu hæð Kringlunnar þar sem hægt er að pakka inn, merkja þeim aldri sem á við og leggja undir tréð.
Í Smáralind er innpökkunaraðstaðan lokuð vegna sóttvarnarráðstafana en mælt er með því að setja gjöfina í poka eða pakka inn heima fyrir.
Mæðrastyrksnefnd, Hjálparstofnun Kirkjunnar og Fjölskylduhjálp Íslands sjá svo upp að úthluta gjöfunum.
Þá er einnig hægt að leggja söfnuninni lið á heimasíðu Kringlunnar og láta þannig gott af sér leiða fyrir jólin.