Jón og Gunna tróna á toppnum

Jón og Guðrún voru algengustu nöfnin á Íslandi árin 2005 til 2019 samkvæmt gögnum Hagstofunnar. Næstvinsælustu karlmannsnöfnin voru Sigurður og Guðmundur en kvenmannsnöfnin Anna og Kristín.

Meðalaldur íslenskra karla er 81 ár og íslenskra kvenna 84,1 ár. Þá voru Íslendingar 362.860 talsins í lok september 2019; 186.220 karlar og 176.640 konur.

Þetta er meðal þess sem kemur fram í Jóla- og áramótamyndbandi Hagstofu Íslands árið 2019. Þar kemur einnig fram að innflytjendur voru 43.737 í janúar 2018 en 50.272 í janúar 2019.