Justin Trudeau, forsætisráðherra Kanada, sótti fund Alþjóðaefnahagsráðsins í Davos í Sviss eins og svo margir aðrir þjóðarleiðtogar.
Justin vakti ekki aðeins athygli fyrir mælsku sína og skoðanir heldur stálu litríkir og flippaðir sokkar hans algjörlega senunni.
Forsætisráðherrann settist niður með Nóbelsverðlaunahafanum Malölu Yousafzai og sáu þá glöggir gestir fundarins glitta í fjólubláa sokka með gulum öndum á.
Eins og við Íslendingar vitum er Justin ekki eini þjóðarleiðtoginn sem er hrifinn af því að klæðast litríkum sokkum. Forseti Íslands, herra Guðni Th. Jóhannesson, hefur nefnilega oft og mörgum sinnum vakið athygli á ýmsum viðburðum þar sem hann klæðist flippuðum sokkum við hefðbundin jakkaföt. Ætli þeir Justin hafi borið saman bækur sínar?
Texti / Lilja Katrín
[email protected]