- Auglýsing -
Óskað var eftir aðstöð lögreglu í söluturni í Breiðholti á sjöunda tímanum í gær. Þar var karlmaður í mjög annarlegu ástandi, að því er fram kemur í dagbók lögreglu, og hafði hann veist að konu og barni. Kom til átaka á milli lögreglu og mannsins, sem beit tvo lögreglumenn og hrækti á þann þriðja. Var maðurinn handtekinn og vistaður í fangageysmlu.
Þá hafði lögregla afskipti af tveimur mönnum sem slógust í miðbæ Reykjavíkur á áttunda tímanum í gærkvöldi. Voru báðir mennirnir með barefli; annar með staf og hinn með flösku. Varð annar þeirra fyrir minniháttar áverkum.
Lögreglu bárust margar tilkynningar um fólk í annarlegu ástandi í miðbænum í gær. Vísaði lögregla flestum annað eða ók þeim í burtu. Flytja þurfti tvo á spítala vegan ástands.