Katla Þorsteinsdóttir lögfræðingur er látin langt fyrir aldur fram. Katla barðist hetjulega við krabbamein sem hún greindist með síðla árs 2019, en á skömmum tíma dreifðist meinið um allan líkama. Katla lést á heimili sínu þann í gær, 57 ára að aldri.
Árið 2001 útskrifaðist Katla frá lagadeild Háskóla Íslands og var hún lögfræðingur Alþjóðahússins og Útlendingastofnunar. Hún starfaði einnig í áratug sem framkvæmdastjóri Rauða kross í Reykjavík, þar sem hún kom meðal annars að opnun Konukots, sem er neyðarskýli fyrir húsnæðislausar konur.
Frá 2015 starfaði Katla sem lögfræðingur Útfararstofu kirkjugarðanna, ásamt því að starfa sem lögfræðingur hjá fyrirtækinu 3 skref sem hún átti ásamt systkinum sínum, þeim Ingibjörgu Þorsteinsdóttur, viðskiptafræðingi og Þorsteini Þorsteinssyni, markaðsstjóra. Katla lét ekki þar við sitja heldur sat einnig í stjórn Píeta samtakanna.
Katla giftist Páli Sverri Péturssyni árið 1989, en hann lést árið 2001. Hún lætur eftir sig fimm uppkomin börn og sextán barnabörn.
Þorsteinn bróðir Kötlu deildi fallegri mynd af þeim systkinum á fésbókarsíðu sinni með eftirfarandi orðum:
„Elsku Katla okkar lést í nótt eftir erfiða baráttu við krabbamein.“
Fjölskylda og vinir minnast hennar með hlýhug og er henni lýst sem lífsglaðri, duglegri konu sem hafði unun af því að ferðast og eyða tíma með fólkinu sínu.