Katrín Jakobsdóttir forsætisráðherra er vinsælasti ráðherra ríkisstjórnarinnar samkvæmt niðurstöður Þjóðarpúls Gallup.
59% landsmanna eru ánægðir með störf hennar.
Lilja Dögg Alfreðsdóttir mennta- og menningarmálaráðherra er sá næstvinsælasti, en nær 54% eru ánægð með störf hennar.
Þórdís Kolbrún R. Gylfadóttir, ferðamála-, iðnaðar- og nýsköpunarráðherra, er í þriðja sæti, og Svandís Svavarsdóttir, heilbrigðisráðherra, er í fjórða sæti.
Bjarni Benediktsson fjármála- og efnahagsráðherra, Sigurður Ingi Jóhannsson samgöngu- og sveitarstjórnarráðherra, en nær 39% eru ánægð með störf hans, og Áslaug Arna Sigurbjörnsdóttir dómsmálaráðherra koma svo næst.
Kristján Þór Júlíusson sjávarútvegs- og landbúnaðarráðherra, er neðstur, en aðeins rúmlega 10% eru ánægð með störf hans.
Kristján Þór sá óvinsælasti
Sé litið á hvaða ráðherra fólk er óánægt með er Kristján Þór sá ráðherra sem langflestir eru óánægðir, eða nær 62%. Rúmlega 35% eru óánægð með störf Áslaugar Örnu og Bjarna Benediktssonar.
Þær þrjár sem flestir eru ánægðir með eru einnig fæstir óánægðir með. Slétt 21% er óánægt með störf Katrínar, rúmlega 18% eru óánægð með störf Þórdísar Kolbrúnar, og rúmlega 17% eru óánægð með störf Lilju Daggar.
