Kobe Bryant lést í morgun í þyrluslysi í Calabasas í Kaliforníu. Andlát hans hefur verið staðfest af heimildarmanni ESPN, og CNN.
Slysið varð um klukkan tíu í morgun að staðartíma. Eldur logaði í þyrlunni þegar viðbragðsaðilar komu á vettvang, fimm voru um borð í þyrlunni og lifði enginn slysið af.
Kobe Bryant var 41 árs að aldri og skilur eftir sig eiginkonu, Vanessa Bryant, og fjórar dætur á aldrinum sjö mánaða til 17 ára.
Hann var goðsögn í körfuboltaheiminum og spilaði allan sinn feril hjá LA Lakers og vann fimm NBA titla á ferlinum. Bryant er af mörgum talinn einn besti körfuboltaleikmaður allra tíma.
Fyrstu fregnir hermdu að fimm hefðu verið í þyrlunni, en alls voru níu manns í henni, flugmaður og átta farþegar.
Sjá einnig: 13 ára dóttir Kobe Bryant á meðal látinna