- Auglýsing -
Fjarlægja þurfti handlegg af konu eftir að hún varð fyrir hákarlaárás á vinsælum orlofsstað í Egyptalandi í vikunni. Konan var bitin í vinstri handlegginn þar sem hún var á sundi í sjónum með vinkonu sinni og voru strandgestir fljótir að forða sér úr sjónum. Mikil mildi þykir að náðst hafi að bjarga konunni úr sjónum en var hún meðvitundarlaus þegar hún var flutt á sjúkrahús.
Ástand konunnar er sagt stöðugt eftir árásina en miðillinn Mirror fjallaði um málið. Ráðist var í tveggja klukkustunda leit að hákarlinum en ekki tókst að finna dýrið. Hákarl hafði sést á svipuðum slóðum í ágúst síðastliðnum en 23 ára gamall ferðamaður var bitinn til bana af hákarli á svæðinu í júní.