Lögreglan greip inn í atburðarás ar sem börn voru að athafna sig við hús sem hafði veriö yfirgefið. „Tilkynnt um krakka að sýslast við yfirgefið hús,“ segir í Dagbók lögreglunnar.
Í miðborginni bar helst til tíðinda að menn brustu þar í slagsmál. Þá var látið vita af ósjálfbjarga manni sem hafði misst áttir. Hann reyndist vera ofurölvi. Laganna verðir aðstoðuðu hann við að komast heim og sofa úr sér.
Þrír menn voru handteknir fyrirt akstur undir áhrifum áfengis og fíknefna. Einn reyndist í þokkabót hafa verið sviptur ökuréttindum.
Nokkrar tilkynningar bárust vegna fólks sem gerði sig heimakomið þar sem það átti ekki erindi eða heimboð. Hnum óvelkomnu var vísað á brott.
Bílslys varö á Krýsuvíkurvegi. Ekki er nánar getið um afleiðingar eða hvort um alvarlegt slys var að ræða. Einnig varð umferðaróhapp á Suðurlandsvegi, við Heiðmörk.
Auk þess sem að framan er talið var tilkynntu um menn í annarlegu ástandi í Kópavogi. Lögregla fékk tilkynningu um grunsamlegar mannaferðir í Breiðholti. Óljóst er hvað var þar á seyði.