Kristín Eysteinsdóttir leikhússtjóri hefur óskað eftir að láta af störfum hjá Borgarleikhúsinu sem fyrst, einu og hálfu ári áður en starfstímabili hennar á að ljúka. Vísir greinir fyrst frá þessu.
Þar segir að Kristín hafi sent samstarfsfólki sínu tölvupóst þar sem hún greinir frá ákvörðun sinni.
Í tölvupósti Kristínar til starfsfólks leikhússins segir hún að hana langi í meira frelsi og rými til að verja tíma með fjölskyldu sinni. Þá greinir hún einnig frá því að henni bjóðist tækifæri til að leikstýra kvikmynd og að það sé eitthvað sem hana hafi dreymt um að gera.
Þess má geta að sjö sóttu um stöðu Borgarleikhússtjóra. Stefnt var að því að nýr leikhússtjóri tæki til starfa við hlið Kristínar um áramót og að viðkomandi tæki svo alfarið við starfinu þegar ráðningartímabili Kristínar myndi ljúka, í júlí á næsta ári.
Kristín sótti um stöðu Þjóðleikhússtjóra í fyrra, Magnús Geir Þórðarson var ráðinn í starfið.