Kristinn Sigurjónsson, áður lektor við Háskólann í Reykjavík, segir mál Jóns Þórs Haukssonar, fráfarandi þjálfara landsliðs kvenna í fótbolta, „endanlega sanna að hann hafði rétt fyrir sér“. DV greindi frá því árið 2018 að Kristinn hefði sagst varla getað hugsað sér að starfa með konum og var í kjölfarið rekinn. Mál Kristins vakti mikla athygli en málið endaði með dómsmáli en Kristinn tapaði málinu.
Kristinn lét áðurnefnd orð falla í Karlmennskuspjallinu, lokuðum hópi á Facebook og það gerir hann einnig um nú. „Ég benti á það í færslu á karlmannaspjallinu að þegar konur koma inn á vinnustað karla þá þurfa þeir að tala, hugsa og hegða sér ein og konur (þar sem ég var á karlmennskuspjallinu þá orðaði ég þetta karlægt og sagði „eins og kerlingar“). Vegna þess að það var lítil mús (rektor, hér er ekki nein „kvennfyrirlitning“ eins og Koldísi finnst) sem setti sig ekki inn í umræðuna, þá er ég eins og nú Jón þór atvinnulaus,“ skrifar Kristinn.
Sjá einnig: Andra slátrað: „Ágætt að renna í gegnum lækin á þetta og sjá hverjir eru rasshausar.“
Hann telur allar líkur á því að bróðir hans, Andri, fái sömu örlög en mörgum blöskrar ummæli hans á Twitter. „Og nú er viðbúið að Andir Júlíus komist í hópinn af sömu ástæðu. Ég benti á það í minni færslu að kannski ætti að aðgreina vinnustaði karla og kvenna, en það fellur líka í grýttan jarðveg. Þegar ungir karlmenn eru komnir á þennan aldur þá eru kennslukonur búnar að reyna að fá þá til að hegða sér, hugsa og tala eins og konur í rúmlegan áratug og árangurinn dapur. Það er spurning hvort þetta sé kennslukonunum eða strákunum að kenna, því það trúir enginn að þetta sé lífræðinni að kenna eins og er í sveitinni,“ skrifar Kristinn.
Flestir meðlimir hópsins „Karlmennskuspjallið“ sem tjá sig um málið virðast sammála honum, nema einn sem segir mistök hjá Jóni að ausa úr skálum reiði sinnar í glasi. Annar karl gengur lengra en Kristinn og segir vandamál hreinlega fylgja kvennaliðum. „Bandaríska kvennalandslið er sjálft búið að vera í steik í mörg ár. Fullt af lesbíum þarna, drykkja, meðferðir, lyfjamisferli, handtökur fyrir heimilisofbeldi og nektarmyndir sem þær sjálfar tekið og hvernig þær eru rakaðar á milli fótanna,“ skrifar sá karl á spjallið kennt við karlmennsku.