Krummi vinnur að sinni fyrstu sólóplötu

Krummi Björgvinsson eða Krummi í Mínus eins og margir þekkja hann vinnur nú hörðum höndum að sinni fyrstu sólóplötu.

Kappinn hefur svo sannarlega komið víða við á sínum glæsta tónlistarferli en hann hefur meðal annars verið meðlimur í hljómsveitunum Legend og Esju. Krumma er margt til lista lagt en ásamt því að vera að margra mati einn besti „frontmaður” íslenskrar tónlistarsögu, kokkar hann verulega gómsætan vegan-mat ásamt eiginkonu sinni á veitingastaðnum Veganæs.

Sólóplatan er væntanleg á þessu ári og eins og með annað sem Krummi kemur nálægt verður þetta án efa hreint og beint eyrnakonfekt.