Himinhátt verð er á papriku í verslunum þessa dagana. Verð á þessu vinsæla grænmeti hefur hækkað um allt að 59 prósentum á aðeins einum mánuði.
Inn á grúppunum Vertu á verði og Sparnaðartips á Facebook hefur skapast mikil umræða undanfarið um það hve paprika er orðin dýr. Blaðamaður Mannlífs kannaði verð Bónus og Hagkaup. Í Bónus kostar kílóið 1110 krónur en í Hagkaup 1299 krónur. Blaðamaður bar verðið nú saman við það verð sem birtist á innkaupamiða úr Bónus frá 7. febrúar. Þá var verðið á kílóinu 699 krónur. Hækkunin er 59 prósent á rúmum mánuði.
Þann 27. febrúar segir Þórdís frá því inn á grúppunni Sparnaðar tips að engar paprikur hafi verið til í Krónunni og því hafi hún farið í Melabúðina og keypt 2 paprikur þar á 891 krónur. Kílóið á hvorki meira né minna en 1698 krónur.
Mannlíf leitaði viðbragða hjá Bónus á háu paprikuverði og fékk neðangreint svar:
Við sendum fyrr í dag fyrirspurn til Banana (við fáum paprikurnar frá þeim) og óskuðum eftir útskýringu á þessu hækkaða verði.
Við fengum þau svör að miklir kuldar í Evrópu hafi orsakað minni uppskeru á papriku en einnig hafa orðið tafir á uppskeru t.d. frá Hollandi, þetta tvennt hefur í för með sér minna framboð af vörunni sem leiðir til hærra verðs.
Þau segjast þó gera ráð fyrir því að verðið muni lækka á næstu 2-4 vikum.
Kv. Bónus