- Auglýsing -
„Daginn sem hún lést höfðum við verið að versla. Þegar við komum heim fengum við okkur tebolla í garðinum en þá kvartaði Geraldine yfir slæmum höfuðverk. Ég lét hana hafa verkjalyf og hún lagði sig í sófanum. Nokkrum mínútum síðar sá ég að hún fékk flog, ég hringdi í neyðarlínuna og sjúkrabíll var kominn á tuttugu mínútum,“ sagði Patrick O’Sullivan sem missti konuna sína snemma á síðasta ári.
Við rannsókn kom í ljós stór blæðing inn á heila. Skaðinn var töluverður og læknar sögðu Patrick að ekkert væri hægt að gera fyrir konuna hans.
Geraldine og Patrick skráðu sig sem líffæragjafa nokkrum árum fyrir andlát hennar. Patrick segir huggun í því að vita að konan hans bjargaði lífum. „Geraldine starfaði sem hjúkrunarfræðingur á sjúkrahúsi. Hún var góð manneskja og vildi allt fyrir alla gera. Það gerir óbærilegu sorgina skárri að vita til þess að nokkrum lífum hafi verið bjargað vegna óska hennar.“