Leitin að Söndru Líf Þórarinsdóttur Long stóð yfir til klukkan 17.30 í dag og hefur nú verið frestað til morguns. Þetta kemur fram í tilkynningu frá lögreglu.
Þyrla Landhelgisgæslunnar fór í loftið um hádegisbil í dag og var leitað við strandlengjuna frá Seltjarnarnesi suður fyrir Álftanes. Þá vöktuðu björgunarsveitarmenn frá Slysavarnafélaginu Landsbjörg fjörur á háfjöru, sem var rúmlega fjögur, bæði úr landi og frá sjó.
Gert er ráð fyrir að skipulag leitarinnar verði með sama hætti á morgun, auk þess sem drónar verða nýttir til leitar ef veður leyfir.
Lögreglan hefur bent á að þeir sem geta gefið upplýsingar um ferðir Söndru, eða vita hvar hún er niðurkomin, eru beðnir um að hafa samband við lögregluna í síma 112.
Sjá einnig: Leit hófst aftur um hádegisbil