- Auglýsing -
Mikill viðbúnaður var á Álftanesi í morgun þar sem leit stóð yfir að ungri konu, Söndru Líf Þórarinsdóttur, 27 ára, til heimilis í Hafnarfirði. Voru björgunarsveitir og þyrla Landhelgisgæslunnar kallaðar á vettvang.
„Sandra er grannvaxin, um 160 sm á hæð og með mjög sítt, rauðleitt hár. Hún var klædd í svartar buxur, svartan leðurjakka og hvíta strigaskó. Sandra var með hálsklút (karrígulur og blettatígursmunstur) og með svarta og gráan klút/hárband í hárinu. Hún hefur til umráða ljósgráan Ford Focus, skráningarnúmer UH828,“ segir í tilkynningu frá lögreglunni á höfuðborgarsvæðinnu.
Lögregla biður alla sem geta veitt upplýsingar um ferðir Söndru, eða vita hvar hún er niðurkomin, um að hafa umsvifalaust samband í síma 112.