Leitað að manni vegna líkamsárásar

Lögreglan á höfuðborgarsvæðinu fékk tilkynningu um líkamsárás um hálffjögur í nótt. Ókunnugur maður réðst á konu fyrir utan verslun i hverfi 101 og veitti henni áverka. Konan gat gefið góða lýsingu á árásarmanninum en hann hefur ekki enn fundist.

Klukkan 18 var tilkynnt að glerlistaverki og mögulega fleiri verkum hafi verið stolið úr galleríi í hverfi 101. Laust fyrir fimm í morgun var tilkynnt um grunsamlegar mannferðir í hverfi 108. Þrítugur karlmaður var handtekinn á vettvangi grunaður um þjófnað úr nokkrum bifreiðum og var maðurinn vistaður í fangageymslu.